A.G.A.K.O. da gaur egun Arrasateko Gaztetxea kudeatzen duen gazte asanbladaren izena. Izenak zera esan nahi du, Arrasateko Gazte Alternatiboen kofradia Organizatua.

Hau gaur egun 40-50 bat partaidez osatua dago eta gehiengoa 17-20 urteko gazteak garen arren asanbladaren ateak irekita daude bertan parte hartu nahi duen edozeinentzat. Asanbladak ostiralero burutzen ditugu 22:30 etan beheko solairuan eta hauetan Gaztetxearekin eta gazteokin erlazionatutako gaiak eztabaidatzen ditugu.

Gaur egun hainbat taldetxotan banatuta gaude, gaztetxe gabe egon ginen hilabeteetan Garaion egin genuen mintegian erabaki bezala. Hauetako talde bakoitzak eginkizun desberdina du eta pertsona desberdinez osatua dago, asanbladez gain talde desberdin hauek astean zehar bilerak ere egiten dituztelarik (hau taldeen araberakoa da, talde batzuk egunerokotasun bat behar dutelarik eta beste batzuk berriz ez).

Taldeak honakoak dira: Barra taldea, kultur eskaintza taldea, komunikazio taldea, aisialdi taldea, diruzaintza eta mantenimentu taldea.

Barra taldearen ardurak dira edarien eskaerak egitea, almazena zaintzea eta asteburuetako txandez arduratzea (gaztetxeko barra asteburuetan soilik irekitzen da eta hau herriko koadrilek eramaten dute, beraz barra taldekoak arduratzen dira koadrila hauei giltzak ematen...). Kultur eskaintza taldea berriz kontzertu, hitzaldi, diaporama... ez arduratzen da, hau da, Gaztetxe barruan burutzen diren ekintzez.

Komunikazio taldeak ekitaldietarako kartelak egin eta jartzeaz gain, komunikabideak ohartarazten ditu eta kanpora begira Gaztetxearen irudia zaintzeaz arduratzen da.Gazta-ya! fanzinea kaleratzeaz ere Komunikazio taldea arduratzen da eta Gaztetxearen materiala(kamisetak, metxeroak, pegatak...) ere talde honetakoek ekoizten dute (web orrialde hau ere).

Aisialdi taldekoen zeregin nagusia Gaztetxetik kanporako ekintzak antolatzean datza, mendi irteerak eta garbiketak, martxak, bazkariak, hainbat lekutarako autobusak....

Azkenik mantenimentu taldea Gaztetxean apurtzen diren gauzak.... konpontzeaz arduratzen da eta diruzaintza berriz gaztetxeko diru sarrera-irteerak kontrolatzeaz.

 

Bukatzeko esan gaur egun Gaztetxea kudeatzeko talde hauez gain beste batzuk sortu ditugula kanpora begira, Etxebizitzen, Gazteon aurkako erasoen, euskararen eta Azpiegituren inguruan lan taldeak osatu ditugularik .

 

A.g.a.k.o. ren komunikatuak:

- Gaztetxeak herriari (2002-05-02) Bizilagunen kexei erantzun nahian

-